Кнігарня «Логвінаў» пры падтрымцы Пасольства Ізраіля ў Мінску і Інстытута перакладаў іўрыцкай літаратуры выпусціла раман Мэіра Шалева «За сіняй гарой». Гэта раман пра яўрэяў, якія прыехалі ў Палесціну з Усходняй Еўропы і стварылі там новую краіну.
Мэір Шалеў памёр месяц таму. Выданне гэтага рамана на беларускай мове стала першым пасмяротным выданнем Шалева.
Пра што кніга
Сямейная сага чатырох пакаленняў ізраільцян, якая пачынаецца ў 1920-х у забалочанай Ізрээльскай даліне, куды прыбываюць яўрэі – рэпатрыянты Магілёўшчыны, Міншчыны, Чарнігаўшчыны, Кіеўшчыны, а таксама іншых куткоў Усходняй і Цэнтральнай Еўропы. Аповед у духу магічнага рэалізму – гэта перапляценне чалавечых і звярыных лёсаў, гісторый змагання з дзікай прыродай і ўласнай натурай. Нежартоўныя жарсці герояў разгортваюцца на фоне змагання Ізраіля за дзяржаўнасць.
Над кнігай працавалі
- Пераклад: Павал Касцюкевіч
- Рэдактарка: Марыя Мартысевіч
- Дызайн: Кацярына Пікірэня
Як набыць
Заказаць раман ужо можна на сайце кнігарні, каштуе кніга 22 рублі.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
Фото: Lohvinau.by
