Беларускі індзі-поп-дуэт NOCHY прэзентаваў песню і кліп «Купальскай ноччу». Гэта гісторыя пра жаночае сяброўства, пачуцці без межаў і летнюю магію.
Гурт NOCHY, у складзе якога вакалістка і кампазітарка Юля і саўндпрадзюсер Паша, разам з Настай Рыдлеўскай выпусціў трэк «Купальскай ноччу». Як піша каманда, гэта песня «на мяжы попа і стылістычнага споўкэн-ворду – са спакуслівым бітам і пульсуючымі эмоцыямі. У ёй адчуваецца містэрыя і жарсць».
Група падкрэслівае, што гэта музыка для тых, хто любіць жаноцкасць без штампаў, спакуслівую атмасферу і эстэтыку летніх вечароў. У песні няма суперніцтва за хлопца – спявачкі проста запрашаюць яго стаць часткай сваёй ночы, сваёй гісторыі.
«Слухаць можна ўначы, у дарозе, на вогнішчы з сябрамі ці ў моманты самоты і тым, хто адчувае моц жаночай салідарнасці, любіць містычную эстэтыку і імкнецца да свабоды пачуццяў без рамак», – напісалі музыкі.
Паслухаць песню можна тут.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
